Новите Audi S6 и S7 Sportback ќе добијат средно-хибриден погон кој ќе се состои од 3.0 литарски V6 дизел мотор, електричен мотор од 48 волти и електричен суперполнач, а цените ќе започнат од 76 300 евра за S6 и 82 000 евра за S7 Sportback.
Оваа комбинација ќе овозможи 350 коњски сили, 700Nm вртежен момент, погон на сите тркала, 8-брзински автоматски менувач, забрзување од 0-100км/ч. за 5 секунди кај S6 Saloon и 5.1 секунди kaj S6 Avant и S7 Sportback и електронски ограничена максимална брзина од 250км/ч.
Средно-хибридниот систем на Audi се состои од алтернатор од 48 волти и литиум-јонска батерија, кој овозможува потрошувачка од 19.3 km/l кај S6 Saloon и 18.4 km/l кај S6 Avant и S7 Sportback, кој има и систем за рекуперација на енергија со кој се добиваат 8kW енергија за време на забавувањето на автомобилот.
И S6 и S7 Sportback ќе добијат и надоградувања од типот на спортска суспензија и електронска шасија која ги контролира амортизерите и системот за погон на сите тркала, а како дополнителни опции ќе бидат понудени воздушна суспензија, управување на сите 4 тркала и керамички плочки на сопирачките.
Како и сите Audi модели од серијата S, и S6 и S7 како дел од стандардната опрема ќе имаат 20-инчни алуминиумски бандажи, 12.3 инчна дигитална инструмент табла, 8.8 инчен infotainment систем, волан со рамно дно, Алкантара спортски седишта и 4-зонска контрола на климата.