Англиската дизајнерска агенција Layer во соработка со кинескиот производител на електрични автoмобили Nio, креираше паметен скутер кој може самиот да научи каде сакате да одите.
Скутерот наречен Pal тоа го прави со помош на системот за вештачка интелигенција (AI) со кој ги учи рутите кои често се возат и потоа автономно ве носи на таа дестинација.
На воланот на Pal може да се додадат бројни додатоци како корпа, ранец, па дури и кошничка за купување.
Батеријата може да се замени по потреба, а скутерот може да се поврзе и со смартфон апликација. Малечок дисплеј на воланот во проценти го покажува преостанатиот капацитет на батеријата, како и брзината на движење кој што се менува со помош на суспензија чувствителна на притисок.
Toa значи дека за да забрза возачот треба да се наведне напред, за да забави наназад, а за да сврти во одреден правец наведнувањето е во истиот тој правец.
Секое тркало е напојувано од индивидуален мотор што овозможува независна брзина на секое од тркалата што го олеснува вртењето.