Lotus во 2020 ќе лансираат спортски модел, прв нов модел по 12 години, кој ќе биде и првиот со електрифициран погон, пред комплетно електричниот Type 130 хипер-автомобил чие производство бeше потврдено на 2019 Shanghai Motor Show.
По лансирањето на Evora во 2008-ма, портфолиото на Lotus беше преплавено само со специјални изданија на Elise и Exige моделите. Новиот спортски автомобил сè уште нема име, а ќе биде базиран на сосема нова платформа наместо на сегашната шасија од екструдиран алуминиум.
Иако Type 130 би можел да биде претставен пред овој нов модел, тој најверојатно нема да биде во продажба пред него и нема да биде комплетно електричен туку ќе има и мотор на согорување.
Возможно е Lotus да го промени и добавувачот на мотори – тие сега користат мотори кои доаѓаат од производствените ленти на Toyota, а тоа би можело да се смени со оние од понудата на Geely (кинеската компанија која е сопственик на Volvo и Lotus).