Citroen се подготвуваат за неконвенционално враќање на Д-сегмент пазарот (каде припаѓаат VW Passat, BMW 3 Series, Audi A4 и др.) со нов електрифициран модел кој најверојатно ќе пристигне до 2021-ва.
Овој нов модел би ја користел EMP архитектурата на PSA Group наменета за поголеми возила, која ја користат моделите како Vauxhall/Open Grandland X SUV и Peugeot 508 лимузината, која сега засега поддржува (покрај стандардните) само plug-in хибриден погон, но не и комплетно електричен.
Се дознава дека еволуцијата на EMP архитектурата вклучува и поддршка за комплетно електрични погони и дека ќе биде подготвена на време, пред лансирањето на новиот Citroen модел. Истата платформа ќе се наоѓа и под електричната верзија на Vauxhall/Opel vivaro комбето, кое треба да се појави на пазарот во 2021-ва.
Инспирација за овој модел ќе биде Cxperience концептот од 2016 – лимузина со 5 врати и дизајн на задниот дел сличен на хечбек моделите.