Мazda ја најавија ревидираната верзија на нивниот Mazda 2 супермини автомобил, која веќе е во продажба во Јапонија, а во остатокот на светот ќе започне да се продава подоцна годинава.
Стилските ревизии вклучуваат нови 16-инчни алуминиумски бандажи, променет дизајн на предните фарови како и на предниот и задниот браник, потенки светла за магла, и нова предна решетка. Подобрувањата во ентериерот, пак, ќе вклучуваат пар редизајнирани предни седишта и подобро „умртвување“ на звуците кои доаѓаат од надвор, со што би се подобрил комфорот на патниците.
Новата Mazda 2 исто така ќе има подновени амортизери и подобрена верзија на софтверот за менаџирање на однесувањето на шасијата, што според компанијата ќе го направи автомобилот постабилен при поголеми брзини.
Mazda 2 ќе биде на располагање со 3 бензински мотори: 1,5 литарски 4-цилиндричен SkyActiv-G со 75, 90 или 115 коњски сили, и со избор од 6-брзински мануелен или 6-брзински автоматски менувач.
Во поглед на технологијата, новата Mazda 2 ќе има адаптивни LED предни фарови, систем за асистенција за одржување на возење во ленти, и подобрен infotainment систем со поддршка за Apple CarPlay и Android Auto. Вграден ќе биде и нов радарски систем за контрола на крстарењето кој кај моделите со автоматски менувач ќе вклучува функции за запирање и повторно тргање на автомобилот.