Jaguar ја финализираат подобрената верзија на нивната XF лимузина и ривал на BMW Series 5, која е забележана за време на тестирање пред нејзиното претставување идната година.
Камуфлажата го отежнува забележувањето на ревизиите на дизајнот, но може да се забележи дека тој го следи трендот од скоро подновената XE лимузина – потенки предни фарови, нови LED светла и редизајнирани браници.
Најголемите промени најверојатно ќе бидат внатре – секој скорешен модел на Jaguar има значително подобрена технологија во него, како што е новиот infotainment систем познат како Touch Pro Duo, со 10.2 инчен централен екран и секундарен дисплеј под него за контрола на функциите на климата.
Традиционалните брзинометри се заменети со дигитална инструмент табла, а новиот XF најверојатно ќе има вградено и ,,Clearshight” ретровизор кој на возачот ќе му прикажува слика или од конвенционалниот ретровизор, или од задната камера.
Понудата на мотори сè уште не е позната, но се очекува да биде слична како онаа на сегашниот модел – мешавина од 4 и 6-цилиндрични бензински и дизел варијанти.