Откако беше претставена надградбата на „обичниот“ Mercedes CLA, Brabus се фокусираше на дотерување на неговата екстремна верзја – моделот CLA 45 AMG.
Компанијата која се занимава со доработка на моделите на Mercedes ја прифатила тешката задача, со оглед на тоа што CLA 45 AMG, со 360 коњски сили произведени од четирите цилиндри на неговиот мотор, веќе сам по себе е исклучителен автомобил.
Сепак, Brabus својата репутација ја стекна токму со усовршување на и онака совршените модели, па така успеа да го зајакне Mercedes-овиот 2.0 литарски турбо-бензинец на дури 400 коњски сили и да го зголеми максималните вртежи од 450 на 500 Nm.
Благодарение на тоа, автомобилот сега е во состојба за 4,2 секунди да достигне брзина од 0 до 96 km/h, што претставува подобрување од 0,2 секунди во однос на сериската верзија.
Brabus верзијата се разликува од стандардниот CLA AMG модел и по стилските детали на надворешноста, како и по ентериерот на автомобилот.
Покрај буквата „B“, која на маската на ладилникот ја замени ѕвездата со три краци, тука се и црвените детали на оклопот на предната маска и страничните ретровизори, специјално дизајнираните 19 инчни црвено-црни алуминиумски фелни, како и дополнителните дискретни стабилизатори на завршетокот на кровот и на капакот на багажникот.
Црвените детали се присутни и во кабината, на седиштата, на воланот, инструмент таблата и сигурносните појаси, како контраст на доминантно црниот ентериер, додека спортските седишта имаат комбинација на кожа и материјалот Alcantara.
