Создадена од дански и германски дизајнери, Опера камп-приколката (The Opera Camper) е инспирирана од архитектонската икона – Оперската куќа во Сиднеј.
Малиот, компактен и лесен дизајн нуди мноштво придобивки, а самата приколка не бара некој масивен автомобил на кој ќе треба да ја закачите, туку може да ја придвижувате со обичен седан.
Оваа камп-приколка ќе ве воодушеви, за неколку минути трансформирајќи се во мобилен мини апартман. Верандата на приколката е изработена од тиково дрво и наликува на бротче. Изградена со високи стандарди Опера приколката штом се отвори веднаш ќе ви ја открие луксузната внатрешност, во која секој милиметар е искористен.
Опремена е со два кревети, кои со едно копче се претвораат во спална, но и во фотелји, во зависност од вашите желби. Исто така има и модерна подвижна кујна со едноставен шпорет и фрижидер, простор за вино, керамички тоалет, бојлер кој ги снабдува сотопла вода кујната, тоалетот и надворешната туш кабина.
Оваа камп приколка сега е достапна и во Европа и тоа по цена од 27.000 евра, но гледајќи што сè нуди, навистина вреди!