Chevrolet конечно службено ја претстави кабрио изведбата на новата Corvette Z06 во очи на свеченото претставување на авто-саемот во Њујорк. Ова е најмоќниот кабрио на Chevrolet до сега кој ги следи сите насоки кои ги постави купето, а неговиот склоплив кров може да се отвора и затвора при брзина до 50 km/h.
- Донеодамна не бевме во можност да создадеме лесна структура со отворен кров која би била доволно силна за моќно забрзување и движење како сите топ модели на Corvette. Архитектурата на Z06 кабрио е резултат на компјутерскиот инженеринг, металургија и напредни производни техники кои не беа достапни пред пет години, рече Тадџ Јеучхтер, главен инженер на проектот Corvette.
Благодарение на цврстата структура на автомобилот, не беше тешко да се вгради структурно зајакнување, па така тежината остана скоро иста како и кај купе изведбата.
Покрај додатокот на неколкуте килограми, Z06 кабрио ќе биде вистинска ракета, благодарение на 6,2 литрениот LT4 V8 мотор кој потпомогнат од компресор развива 625 KS и 861 Nm вртежен момент.