Познатиот произведувач на автогуми Dunlop, произведе прва паметна гума која е опремена со чип кој работи без батерии, чија улога е да комуницира со компјутерот на автомобилот и да му ги пренесува информациите за притисокот, температурата и други податоци.
Компјутерот врз база на тие податоци може да ги подобри возните функции во автомобилот во кривините и текот на кочењето, како и да ја прилагоди стабилноста на возилата.
Еден од тие примери е кочење со помош на ABS, кога компјутерот ќе го прилагоди кочењето според гумите и со тоа ќе овозможи најоптимални перформанси, односно пократок пат на кочење.
Треба да се нагласи дека оваа технологија се уште се наоѓа во развојна фаза на инженерите од компанијата, кои за потребите на тестирањето прототиповите на чиповите ги вградија во гуми на SportMaxx RT.