Откако неодамна се одржа претставувањето на концептот Kopen на авто шоуто во Токио, овие денови се појави и сериската изведба на “kei” автомобилот, опремен со потполно нова прилагодлива каросерија која клиентот може да ја менува по желба.
Како што откриваат светските медиуми променети се и многу делови во самата кабина, па така малиот Kopen е поприлагодлив дури и од познатиот камелеон, MINI.
Овој автомобил е долг 3.4 метри и користи “D-рамки” што го прави дури и три пати поцврст од својот претходник. Овие рамки допридонесуваат и за подобри возни особини и поголема удобност.
Под хаубата се наоѓа 3-цилиндричен бензиски мотор кој има 64 коњски сили и 6.400 вртежи во минута, со преден погон од 5-брзински менувач односно опционален 7-брзински CVT менувач.
Минималистички уредената внатрешност се истакнува со кожа и посебно копче за моторот со одредени детали. Моделот ќе биде во продажба од наредна година по цена од 13.000 евра.