Полни 37 години по своето претставување, VAZ-2121, позната како Lada Niva и понатаму се произведува, и што е уште поважно за сите љубители на овој автомобил, наскоро се појавува рестилизирана верзија под називот Lada Niva Urban!
„Освежувањето“ вклучува рестилизирана предна маска, интегрирани браници во боја на каросеријата, закривено стакло на вратите и багажникот како и алуминиумски бандажи од 17 инчи, додека во ентериерот сега се наоѓа клима уред, електрика на прозори, а подобрена е и звучната изолација.
Со тоа, рускиот произведувач ќе понуди и верзија за TNG уред, додека за погон веќе тука е испробаниот агрегат од 1,7 литри и 84 коњски сили. Исто така и подвозјето на автомобилот останува непроменето, со 4x4 погон, како и редукција на преносот и блокада на диференцијалот.
Неофицијално се говори дека цената на овој модел, кој се очекува да дебитира на авто-саемот во Москва, во август годинава, треба да изнесува околу 12.500 евра.