„Инвазијата“ на виртуелните модели на автомобили, наменети за популарниот серијал на видео игри, Gran Turismo 6 продолжува!
Најновиот ѕвер на четири тркала наменет за „собните тркачи“ доаѓа од Aston Martin и го носи името Design Prototype 100, односно DP-100 Vision Gran Turismo.
Развиен од страна на дизајнерскиот тим на Aston Martin, предводен од Марек Реичхман, DP-100 е создаден во период од шест месеци, на начин на кој настануваат сериските, но и лимитираните модели од оваа престижна автомобилска куќа, почнувајќи од дизајнерските цртежи и идеи, преку комјутерските модели, па се до 3D макети во одредени размери.
Овој автомобил го движи V12 twin-turbo мотор од околу 800 коњски сили, а љубителите на Gran Turismo 6 играта за Playstation ќе можат да го симнат веќе во текот на јули и да го придодадат на својата „виртуелна ергела“.
Според експертите, возилото како такво, тешко дека ќе излезе на вистинскиот асфалт, но сепак некои дизајнирани елементи, идеи, како и делови ќе се најдат во следните нови модели.
