Сигурно некогаш сте се запрашале каде исчезнуваат сите автомобили кои не успеваат да се продадат. Нормално дека како и секоја друга индустрија, така и автомобилската произведува автомобили кои се вишок, па речиси од секој модел има барем уште по два автомобила кои не се продаваат.
Автомобилската индустрија не ги нуди овие автомобили на пазарот по поповолна цена, туку едноставно ги носи во посебни складишта каде што автомобилите ја чекаат својата смрт. За среќа, Google Maps знае каде точно се наоѓаат тие места.
Најблизу до нас е складиштето во Велика Британија, каде што се складираат возилата кои се произведуваат во Европа. Не можете ни да претпоставите колку VW, Audi, BMW, Mercedes автомобили има на овој дел. И овие автомобили немаат поминато ниту еден километар. Интересно, зарем не?
Со оглед на рецесијата со која се соочува светот, можеби многу добро би било овие автомобили да не се „фрлаат“, туку да се рециклираат, да се употребат нивните делови или дури да се продадат за многу пониска цена.
Освен во Велика Британија, каде што има три складишта, автомобилски складишта имаат и САД, Шпанија и Русија. Убаво би било некогаш да посетиме вакво место, па можеби ќе го пронајдеме автомобилот кој не сме можеле да си го дозволиле за таа цена за која бил понуден на пазарот.