Веќе споделивме за тоа како произведувачите на Ferrari работат на моделот La Ferrari ХХ, a сега истиот тој автомобил е „уловен“ на една од најпознатите стази на F1 – Монца. На видеото, може да се слушне како овој модел испушта одличен звук преку кој ја претставува својата моќност.
Имено, Антонело Колета, изјави дека овој модел ќе има унапредени аеродинамични решенија, напредна електроника, спортска суспензија и тркачки гуми. Исто така, додаде и дека новите модели ќе ја имаат истата моќност како и стандардните.
Сепак, од последните информации дознаваме дека овој модел треба да развива 1064КС, односно повеќе од 101КС од стандардниот модел на Ferrari. Според ова La Ferrari XX би требало да биде првата ракета со оглед на стандардната изведба, забрзува до 100км/час за помалку од 3 секунди и достигнува максимална брзина од 350км/ч.
Се очекува овој модел да биде претставен на почетокот на идната година.