Долгоочекуваниот наследник на легендарниот NSX овие денови се наоѓа во фаза на тестирања на патеката Nurburgring Nordschleife.
Еден од култните јапонски автомобили и модели кои го смени светот на суперспортските возила, Honda NSX, се појави на сцената уште во 2005-та година, а скоро по десет години, нестрпливо чекаме на нејзиниот наследник. На цела среќа, на чекањето му се гледа крајот, бидејќи до сега знаеме каков концепт ќе биде прикажан оваа година во Детроит, но овие денови интензивно се тестира прототип на популарната патека во Германија, додека официјалното деби се очекува во 2015-та.
Новата генерација ќе има револуционерен погон во однос на претходникот – V6 брзински агрегат на погон на задните тркала, со поддршка на електромотор кој е инкорпориран во нова трансмисија. Исто така тука се и двата засебни електромотори, секој за по едното тркало на предната осовина, кој истовремено ќе се грижи и за распределување на вртежниот момент.
Вкупната сила на овој систем треба да изнесува преку 400 коња, а како што најавуваат од производниот погон на Honda во Охајо, од каде ќе пристигне новиот NSХ, покасно треба да се појави и „хардкор“ Type R верзија, а веројатно и кабриолет, доколку за нив има интерес. Очекуваната цена на новиот NSX ќе започне од 100.000 евра, а еден од директните конкуренти треба да биде неодамна претставениот BMW i8.