Спектакуларниот концепт на Toyota, FT-1 треба да прерасне во сериска верзија на новата Supra, која би ја движел 2,0 литарски четирицилиндричен мотор на BMW.
Овогодинешниот Саем на автомобили во Детроит, помина во знакот на фантастичниот коцепт на Toyota, FT-1, за кој многумина сметаат дека е навестување за „оживување“ на легендарната Supra. На сериската верзија на овој спортски автомобил, Toyota работи веќе некое време, а плодовите од соработката ќе ги почувствува новиот Z4, како и споменатата Supra.
Она што сè уште не е познато е каква погонска единица ќе го движи овој јапонски автомобил.
Иако најпрвин се збореше за V6 турбо бензинец, сите гласини споменуваат 2,0-литарски турбо бензинец кој ќе го развие BMW. Делот на Toyota ќе биде „управување“ со новата генерација на сопствениот хибриден погон и на крај, Supra ќе располага со околу 350 коњски сили.
Она што е потврдено е дека новиот спортски автомобил на Toyota ќе има три електромотори, еден позади, кој ќе му „помага“ на бензинскиот агрегат, како и два електромотори напред, за секое тркало посебно. Со самото тоа, значи дека Supra ќе има погон за сите четири тркала, а не само на задната осовина, како што во почетокот се шпекулираше. Истовремено BMW и Toyota ќе употребат трансимисија со двојно квачило.
Германскиот Z4 и јапонската Supra во моментов се во заврна фаза од развојот, а во продажните салони се очекуваат некаде кон крајот на 2017-та.