Renault прикажа нова „тизер“ фотографија од својот модел R.S. 01, кој следната година треба да се натпреварува во рамките на „World Series by Renault“ шампионатот. Официјално претставување ќе биде во август, на Авто-саемот во Москва, а во Renault најавуваат дека во прашање е еден целосно нов и единствен проект кој ќе овозможи фантастични перформанси.
Она што до сега се знае е дека овој автомобил ќе го движи моторот на Nissan, поточно од NISMO одделот, кој треба да ослободува околу 500 коњски сили, а силата би се испорачувала преку 7-степениот менувач со пренос на задните тркала. Michelin е задолжен за специјалните пневматици, а вкупната маса на возилото треба да изнесува околу 1100 килограми.