Американскиот производител на автомобили Hannessey Performance најавува нова „отровница“ под името Venom F% која ќе јуриша на нов брзински рекорд.
Овие денови се појавија првите официјални цртежи од новиот американски хиперавтомобил од „работилницата“ на Hennessey, кои би требало да го носи името Vemon F5 (Venom – отров, F5 како најсилното торнадо на Fujita скалата), а ќе претставува понатамошно усовршување на Venom GT моделот.
Најавено е дека Venom F5 ќе има помал коефициент на отпор на воздухот во однос на GT (0,40 наспроти 0,44), а главната цел на овој автомобил е рушење на рекордот од 290 милји на час, односно 466 km/h! Како што тврдат во Hennessey Performance, ќе бидат најмалку 30 примероци Venom F5, чија цена ќе биде поголема од Venom GT, кој изнесува 1,2 милиони долари!
Масата на возилото би требало да изнесува околу 1300 килограми, додека за погон ќе се грижи V8 агрегат со најмалку 1400 коњски сили, кои ќе „испорачуваат“ на задните тркала.
Hennessey покрај стандардниот мануелен менувач, ќе понуди и автоматска трансмисија за промена на степенот на пренос на управувачот.