Mazda од 3-ти септември оваа година и официјално ќе ја претстави новата MX-5 (Miata на некои пазари во светот), а за сега многу малку се знае за неа, не само кога станува збор за техничките детали, туку и за самиот дизајн на екстериерот.
До официјалното претставување на четвртата генерација на Mazda MX-5, остана уште само околу еден месец, но и понатаму нема никакви конкретни информации, ниту официјални, ниту пак шпекулации кои многу често ги следат новите модели.
Единствено што се знае, а што официјално го изјавија и луѓето од Mazda е дека новата Mazda MX-5, иако е базирана на актуелниот KODO дизајнерски правец, драстично ќе се разликува од досегашните MX-5 постари генерации и ќе биде чекор напред во целосно нов правец.
Инаку Mazda официјално претставувањето го закажа за 3-ти септември оваа година и тоа симулирано на три континенти – во Јапонија, Европа, како и САД, каде таа ќе биде прикажана на собирот на љубителите на Mazda кој се одржува на патеката Mazda Raceway Laguna Seca.