BMW продолжува да ја развива својата програма за блиндирани возила за посебни цели. Моделот X5 Security Plus заснован е на третата генерација на SUV автомобили и го исполнува балистичкото ниво за заштита VR6.
За модификација на BMW-Х5, германскиот произведувач ги искористи искуствата стекнати во период подолг од три децении – време колку што компанијата се занимава со изработка на блиндирани верзии на своите модели. Освен блиндираниот оклопен надворешен панел на возилото, Х5 има и зајакнување на слабите делови, како и посебно заштитно стакло.
Во кризни ситуации, на возачот многу добро ќе му послужи V8 TwinPower турбо мотор со 450КС и xDrive погон на сите тркала, со цел личноста што е во опасност што побрзо да се одвезе на сигурно место.
Овој модел ќе ја доживее својата премиера при крајот на август на саемот за автомобили во Москва.