Овие денови ни пристигаат „рендерите“ за BMW X2, кој на пазарот би требало да се појави 2017-та година.
Одамна не е тајна дека BMW подготвува уште еден SUV од т.н. „X“ фамилија, и тоа најмалиот модел, кој би требало да ја понесе ознаката X2. Секако, деталните информации за овој автомобил сè уште не се познати, но затоа тука се „уметниците“ кои на основ на објавените податоци го „обликуваа“ своето видување на новиот модел.
Еден од нив секако е и Theophilus Chin, чии обработки се добро познати во светот барем кога станува збор за BMW, а неговото најново „остварување“ всушност споменатиот X2, кој досега е најверниот приказ за овој автомобил на интернет.
Инаку X2 би требало да ја користи новата BMW платформа како и MINI Paceman, што значи дека доаѓа со погон на предни тркала и со опционална xDrive верзија. Со него ќе се нуди и нова генерација на 1,5 литарски турбо мотор, додека најсилниот модел треба да има 2,0 литарски турбо мотор со околу 300 коњски сили.