Баварскиот произведувач на автомобили лансираше и трет модел во рамки на актуелната Серија 2, кабриолет верзија базирана на веќе постоечкото купе.
BMW со ова продолжува да ја шири палетата на актуелните модели, а на пазарот овој автомобил би требало да излезе во февруари идната година и тоа по цена од околу 35 илјади евра.
Ова е трет автомобил во низата, по купето и Active Tourer, со тоа дека треба да нагласиме дека Active Tourer и нема некакви претерани допирни точки со другите модели, бидејќи тоа е моноволумен со погон на предните тркала.
Веднаш на стартот, BMW понуди четири мотори за кабриолет – 220i за бензинец од 185 коњски сили, 228i од 250 коња, турбодизел 220d од 190 KS, како и „водач“ на понудата – спортски М235i Cabrio со 330 коњски сили.