Откако Audi, поточно компанијата Lamborgini која работи во рамки на германскиот гигант, го презема поголемиот удел во Ducati, започнаа шпекулациите дека и Mercedes ќе преземе еден од италијанските произведувачи на мотори – MV Agusta, бидејќи Audi буквално „пред нос“ го презема Ducati, со кој Mercedes со години ја градеше добрата соработка.
Изгледа дека гласините беа точни, бидејќи според најновите информации, веќе на Саемот за мотори во Милано (EICMA 2014), кој ќе се одржи во ноември, се очекува потпишување и официјален договор за откупување на 15 до 20 отсто од италијанската компанијата. Mercedes ќе го искористи истиот „рецепт“ кој Audi го примени кај Ducati, што значи дека MV Agusta ќе остане италијанска мото „икона“, додека Германците ќе ги обезбедат парите, технологијата и позицијата кога станува збор за маркетинг.