На само две недели пред почетокот на Авто-саемот во Париз, Toyota по „тизер фотографиите“ и официјално ги објави првите цртежи (рендери) на својот нов CUV концепт наречен C-HR. Автомобилот спаѓа во категоријата на компактни кросовери базирани на возилата од C-сегментот (моделот Аuris), со кој Toyota би требала да се впушти во борба во една од најконкурентните класи, каде во моментов доминира Nissan Juke.
Автомобилот ќе има хибриден погон, а во продажба се очекува да излезе во 2017-та. За сега сè уште не е познато кое име ќе ја носи сериската верзија, иако многумина веќе шпекулираат дека ќе биде Auris Cross.