Специјалните, лимитарани едиции во последно се вистински хит, а Ferrari по моделот 458 Scepiale A, го претстави и F60 America, со кој одбележува шест децении работење на северноамериканското тло.
По специјалната лимитирана едиција на моделот 458 „без кров“, Ferrari го претстави и F12 во слично издание, наречен F60 America, која воедно одбележува 60 години од работењето на оваа легендарна компанија на пазарот во САД. Официјално овој модел беше претставен викендов во Беверли Хилс, а куриозитет е тоа што ова е прво Ferrari во последната четвртина од векот да не биде претставено од поранешниот директор на оваа марка, Лука Ди Монтеземоло.
Ќе го движи ист мотор како и F12 Berlinetta, а тоа значи дека станува збор за 6,3 литарска V12 единица од 740 коњски сили, што е доволно за 3,1 секунди да забрза од 0 до 100-ка. Кога станува збор за платнениот покрив, тој мора рачно да се монтира, а италијанската компанија не препорачува со него да се вози со брзина поголема од 120 km/h.
Автомобилот е уште поексклузивен од споменатиот 458 Speciale A, а бидејќи е лимитиран на само 10 примероци достапен е исклучиво за американските колекционери. Секако, се си има своја цена, која изнесува 2,5 милиони американски долари.