Компанијата Alpha/AMS Performance постави нов рекорд на 402 метри за автомобилот Nissan GT-R, кој сега изнесува фантастични 7,7 секунди при излезната брзина од 300 km/h. Рекордот е поставен на патеката Royal Purple Raceway во Тексас, а нивниот Alpha Omega GT-R, според зборовите на инженерите, можел да постави и подобро време, но временските услови и атмосферските прилики овој пат биле лимитирачки фактор.
Колку Alpha Omega GT-R навистина е брз, говори и податокот дека од место до 60 милји на час (96 km/h) пристигнува за 1,53 секунди, додека за достигнување на брзина од 100 mph (160 km/h) му биле потребни само 2,79 секунди, помалку отколку што на серискиот GT-R му требаат до „стотка“!
Претходниот рекорд изнесуваше 7,81 секунда, а го држеше GT-Rот на компанијата Extreme Turbo Systems (ETS).