Малата американска компанија Trion Supercars, специјализирана за производство на суперспортски автомобили, најави дека нивниот модел Nemesis ќе започне со сериско производство веќе во 2016-та. Споменатиот Nemesis би требало да биде ривал не само на актуелните хиперспортски автомобили како што се моделите на Koenigsegg, пред се на One:1, туку и на актуелниот и познат Buggati Veyron, но и неговиот најавен наследник.
Автомобилот би требало да го движи вистински монструм од агрегат – V8 мотор со зафатнина од 9,0 литри, опремен со два турбо полначи, кои според најавите ќе ослободуваат околу 2.000 коња, а толку сила преку 8-степениот секвенционален менувач ќе се пренесува на сите четири тркала.
Во склад со овие бројки одат и перформанси: спринт од 0 до 100 km/h трае 2,8 секунди додека максималната брзина изнесува преку 435 km/h. За „зауздување“ на оваа „ѕверка“ се заслужни силните, карбонско-ќерамички кочници...
Секако, главното прашање е цената, која, според најавите од Trion Supercars треба да изнесува околу 785.000 евра, што секако е фантастично, но и понатаму пониска од споменатата конкуренција, која пак започнува од седмоцифрен износ, односно од милион евра.