Наизглед обична Honda Civic Coupe од шеста генерација ги „вкрсти“ копјата со Chevrolet Corvetta C7 при забрзување од околу 100 km/h!
Да се пронајде Chevrolet Corvette C7 на нашите патишта скоро е невозможна мисија, но затоа, пак на секој чекор може да се сретне Honda Civic од шестата генерација, најчесто онаа хечбек верзијата, но и седаните и купеата не се баш некој „загрозен вид“.
Се прашувате каква врска имаат овие два автомобили? Па наизглед никакви, освен што ако од Civic Coupe го отстраните 1,6 литарскиот мотор и ставите „ѕвер“ наречен K20 (2,0-литарски мотор од Civic Type R), па го преработите турбо полнењето, кое со употреба на E85 гориво, овозможува околу 700 коњски сили!
Кога покрај него e Corvette C7 со мотор кој го „потпомага“ механички компресор и кој ослободува околу 650 „коња“, тогаш битката повеќе и не е толку нерамноправна и одмерувањето на силите може да започне!
Сепак, за да се избегнат проблемите врзани за предниот, односно задниот погон, „битката“ е „„започната“ при почетна брзина од околу 100 km/h. Сопственици на Civic, еве ви една интересна тема за размислување!