Американските „muscle“ автомобили отсекогаш го привлекувале вниманието, а во денешно време неверојатно многу се ценат токму ваквите оригинали и рестилизирани примероци кои сведочат за незаборавниот период од минатиот век, поточно 60-те и 70-те години.
Американската авто-индустрија, иако е една од најсилните во светот, во модерната ера го изгуби целиот свој шарм кој го поседуваше во минатото.
Од романтичните кадилаци па до „muscle“ автомобилите, дури и до „огромните коцкести“ тенкови, сите оставија длабока трага во историјата на автомобилизмот.
Секако, повеќето љубители на „muscle“ автомобилите се грижат тие да останат и во денешницата и никако да паднат во заборав.
На цела среќа, Buick се уште е во живот, за разлика од Pontiaca и Oldsmobile, а еден од моделите кои ја одбележа „muscle“ ерата навистина е Skylark GSX. Токму овој модел од 1970-та, во т.н. Saturn жолта боја, неодамна е понуден на продажба преку eBay од страна на RK Motoros од Северна Каролина, и тоа по цена од 209.900 американски долари.
Ако мислите дека тоа е премногу, мораме да нагласиме дека овој автомобил го движи V8 машина со зафатнина од 455 кубни инчи, односно 7,5 литри, а силата по пат на четворостепенa Turbo-Hydramatic трансимисија се пренесува на задните тркала, секако!
