Volvo на авто-саемот во Лос Анџелес кон крајот на месецов ќе го претстави новиот V60 во повисока Cross Country изведба. Во однос на класичната караванска изведба, Cross Country е подигнат 65 мм, a има и дискретни каросериски додатоци. За подобра теренска способност тука е системот на управување со вртежен момент и системот Corner Traction Control, а ќе се нуди и изведба со погон на сите тркала.
За додатниот теренски имиџ, но и удобноста придонесуваат новите тркала со 18 или 19 инчи со посебен висок профил.
V60 Cross Country пристигнува со новото семејство Drive-E четвороцилиндричен бензинец и дизел мотор со петоцилиндричен D4. Дизел верзијата ќе има погон на сите четири тркала.