ВИДЕО: BMW прави пируети околу MINI Cooper на две тркала

Дека BMW е еден од омилените избори на автомобилска марка кога станува збор за егзибициите на четири тркала, особено кога се во прашање „дрифт лудориите“, тоа нам ни е веќе јасно, но овој пат направен е чекор понатаму и поставен е нов светски рекорд и тоа крајно необичен! Имено, станува збор за 10 комплетни „пируети“ т.е. вртења околу автомобил во движење (MINI Cooper во овој случај) кој бил на две тркала, во траење од една минута.

Сопственикот на новиот рекорд кој влезе во „Гинисовата книга“ е Кинезот Жанг Шенгјун, а неговиот „партнер“ во MINI cooper-от бил исто така од Кина. Инаку овој спектакуларен рекорд е срушен во Олимпискиот спортски центар во кинескиот град Чонгкинг.

Погледнете го видеото и запомнете, не пробувајте го ова со вашиот автомобил по нашите градски улици и паркинзи!