Двата Nissan-и 370Z станаа ѕвезди овие денови во Дубаи, бидејќи влегоа во Гинисовата книга на рекорди со „синхронизирано“ дрифтовање во вкупна должина од 28,5 километри.
Автомобилизмот дефинитивно станува една од областите во која во последно време, најчесто се поставуваат нови рекорди за Гинис... Откако пред некоја недела бевме сведоци на нов рекорд од 10 комплетни „пируети“ околу автомобил во движење, пред некој ден, во прославената „книга на рекорди“ влезе и потфатот на двојца исти „дрифтери“.
Имено, Јорданецот Ахман Дахам и Ирецот Џејмс Дин, поставија нов рекорд во „двојен“ синхронизиран дрифт, во вкупна должина од 28,5 километри. Овој потфат е „спонзориран“ од страна на блискоисточниот огранок на Nissan, Nissan Middle Eeast, кој обезбеди два спортски модели 370Z.