Honda продолжува со развој на својот проект на возила на водород, кое покрај напредните горивни ќелии, по прв пат во „кризни ситуации“ ќе може да послужи и како мала, мобилна „електрана“.
Иако можеби сите се насочија кон големите промени како што е новиот NSX, новата генерација на возила со горивни ќелии FCV не е ништо помалку битна. Веќе прикажана на Авто-саемот во Токио, FCV Concept во Детроит привлече големо внимание, бидејќи на американскиот пазар до сега најбарани се возилата на Honda на алтернативен погон.
Во Honda исто така велат дека резервоарот за водород со висок притисок до 70 Mpa, обезбедува складирште на гориво доволно за околу 600 километри возење, а за дополнување на истиот потребни се 3 до 5 минути, скоро како и кај класичните возила на фосилно гориво.
Она што FCV Concept исто така го карактеризира е можноста за напојување со енергија на други потрошувачи во „соработка“ со т.н. екстерна единица за напојување. Автомобилот се однесува како мала, мобилна електрана, способна да снабдува домаќинства со електрична енергија во кризни ситуации.