Ford потврди дека за само една недела, ќе биде претставена новата генерација на најмоќната верзија на Focus, кој ја носи ознаката RS, а според најавите ќе има минимум 350 коња и многу веројатно, погон на сите четири тркала.
Почетокот на февруари очигледно дека ќе биде жежок, барем кога станува збор за автомобилските случувања бидејќи Ford најави претставување на својот „hot hatch“ модел во C сегментот, популарниот Focus RS. Долго време, новата RS верзија беше под знак прашалник поради цената на развој и релативно малиот број на купувачи, но сепак пристигна и официјална потврда дека покрај ST моделот, новиот Focus ќе стигне и во ултамативното, RS издание.
Многу информации се чуваат во тајност, почнувајќи од техничките податоци па се до перформансите. Погледнете го тизер видеото снимено во Lommel центарот на Ford во Белгија.