Средината на минатиот век и понатаму е една од најплодните епохи кога станува збор за атрактивно дизајнираните автомобили, а Lincoln Indianapolis од 1955-та, кој го изработи италијанската фирма Carrozzeria Boano, само го потврдува овој факт.
Педесеттите и 60-те години од минатиот век се уште се инспирации и за денешните, атрактивни автомобили.
Поради тоа и не не чуди што автомобилите од тој период, доколку и дури се добро зачувани, многу често на аукциите остваруваат вртоглави шестоцифрени износи, а кога ќе се најде некој од ретките модели, милионските суми воопшто не се реткост.
Токму таков случај е со овој автомобил кој претставува симбиоза на италијанскиот дизајн и американската техника, а пред се тука е погонската единица. Всушност се работи за концепт кој италијанската фирма Carrozzeria Boano, која се занимаваше со производство на каросерија, го направи за потребите на американскиот Ford.
Автомобилот е базиран на Lincoln со V8 моторна зафатнина од 5,6 литри (341 кубни инчи) од 255 коња и четворостепен автоматски менувач, а прв пат е прикажан на Авто-саемот во Торино, 1995-та година.
Овој примерок е оштетен во еден пожар за време на 60-те години, во почетокот на 21-век е реставриран, за потоа на аукција во 2006-та година, да достигне цена од 1.375.000 долари. Веќе во 2013-та година, тој повторно е понуден на една аукција, каде е продаден по цена од 1.550.000 американски долари...