Се повеќе е од очигледно дека мотоциклите тргнаа по стапките на возилата со четири тркала, па се почесто се појавуваат лимитирани едиции, кои по цена ги надминува и бројните егзотични имиња од автомобилскиот свет.
Дека не се само автомобилите идеални за презентирање на футуристички концепти потврдува и дизајнерот Yacouba Galle, кој инаку е познат по своите „креации“,, а овие денови тој го прикажа моторот под името Feline One, кој на пазарот треба да се појави во текот на идната година.
Срцето на проектот го чини трицилиндричен, четворотактен мотор, со зафатнина од 801 ccm, кој ослободува околу 170 коњски сили, што е и повеќе од доволно, имајќи во предвид дека цел мотоцикл тежи 155 килограми.
Тоа е постигнато со употреба на јаглеродни влакна, титаниум, како и специјални легури на алуминиум, кој се користи во авио-индустријата. Не треба да споменуваме дека и „оклопот“ е изработен од карбон.
Она што е интересно е дека системот за кочење, кој напред поседува дури четири дискови.
Сепак, овој мотор не треба да се сфати како нешто повеќе од полусериска верзија, бидејќи ќе биде направен во само 50 примероци, а поради употребата на високата технологија и материјали, цената на еден примерок ќе изнесува 250.000 евра!