Овој десерт многу брзо се подготвува и е идеален доколку подготвувате романтична вечера за вашиот партнер. Верувајте, тој/таа ќе остане без зборови!
Потребни состојки:
- 8 кекси по желба
- 300 гр. крем сирење
- Рендана кора и сок од 1 лимон
- 3 лажици шеќер во прав
- 200 гр. смрзнато овошје + 50 гр. за украсување
Подготовка:
Кексите ставете ги во пластична кесичка, па искршете ги и сипете ги во две чаши за десерт (препорачуваме тие да бидат проѕирни).
Изматете го крем сирењето и кората од лимонот, па додадете 2 лажици шеќер во прав и матете додека не добиете соединета смеса. Расподелите ја потоа таа смеса во двете чашки над кексите.
Смрзнатото овошје кое сте го одмрзнале и добро исцедиле, ставете го во блендер и миксајте заедно со сокот од лимон и преостанатата лажица шеќер. Прелијте во чашката преку филот од сирење, украсете малку со смрзнато овошје и послужете изладено.
Пријатен апетит!