Летото ни е на прагот, а жештините се повеќе се зголемуваат. Овој период ги обожаваме освежителните десерти, кои се ем вкусни ем лесни. Поради тоа ви предлагаме сладолед торта со шумско овошје.
Потребни состојки за тесто:
- 250гр путер
- 250гр шеќер
- 4 јајца
- 400гр брашно
- 1 кесичка прашок за печиво
- 4 лажици млеко
За филот:
- 180гр шумско овошје
- 5 жолчки од јајце
- 200гр шеќер во прав
- рендана кора од лимон
- 375мл слатка павлака
За украсување:
- 375мл слатка павлака
- 1 кесичка ванилин шеќер
- 100гр шумско овошје
Начин на подготовка:
1. Загрејте ја рерната на 190 степени. Подмачкајте една тава за колачи од 25см.
2. Разматете ги путерот и јајцата, додавајќи едно по едно јајце.
3. Измешајте ги брашното и прашокот за печиво па додадете ги во смесата, заедно со млекото и продолжете со мешање.
4. Сипете го тестото во тавата и печете околу 30 минути. Извадете го тестото од плехот и оставете го на решетка за колачи да се излади. Пресечете го тестото два пати за да добиете три кори.
5. Измијте го и исчистете го овошјето. Разматете ги жолчките и шеќерот во прав на пареа за да добиете густа смеса, а потоа тргнете ги од пареа за да се изладат. Разматете ја и слатката павлака. Во кремот со жолчки додадете ги слатката павлака и овошјето.
6. Долната кора ставете ја на подлога за торти и премачкајте ја со половина од филот. Ставете ја средишната кора и премачкајте ја со остатокот од филот. Поклопете ја со крајната кора и оставете ја во ладилник шест часа.
7. За украсување разматете ја слатката павлака и ванилин шеќерот и премачкајте ја тортата. Измијте го и останатото овошје и украсете ја тортата со нив. Уживајте во ледениот и сочен вкус!