Појадокот е најважниот оброк во денот, но зошто да не биде и највкусен?
Првиот оброк кој го консумираме наутро треба да ни даде енергија за да можеме успешно да се справиме со обврските кои ни претстојат. Тоа значи дека истиот треба да биде енергетска бомба, составена од шеќери и протеини.
Можеби се плашите од јаглехидратите, но веќе потврдивме дека ваквиот страв е неоправдан кога станува збор за здрав вид на шеќери.
Во продолжение ви претставуваме здрав појадок, кој ќе го подготвите за миг. Овој одличен сендвич од банана и путер од кикирики ќе ве држи сити, а на телото ќе му ги даде потребните хранливи состојки, како и доволно енергија за да го изведете тренингот, работните обврски и сите останати активности.
Потребни состојки:
- 1 голема банана
- 2 лажици путер од кикирики
- 1 лажица мед или јаворов сируп
- 1 лажица таан (намаз од сусам)
- Додаток по желба (ореви, суво грозје, сушени брусници, бадеми, чиа семе...)
Упатство:
1. Исечете ја бананата по должина на 2 еднакви дела.
2. Помешајте ги путерот од кикирики и таанот, па мешавината намачкајте ја на двете половини од бананата.
3. Одозгора додадете го медот или јаворовиот сируп.
4. Додадете и прилог по желба.
5. Уживајте!