Витамините и минералите најдобро се апсорбираат на празен желудник. Затоа ви претставуваме неколку рецепти за екстра здрав појадок, за кои ќе ви биде потребен блендер, како и свежи овошки и зеленчуци кои веројатно веќе ги имате во вашиот фрижидер.
Подгответе се за здравје во чаша, кое ќе ве наполни со енергија за добар почеток на денот.
Црвено smoothie
- 2 стебленца целер
- 2 моркови
- 1 мало варено цвекло
- 1 портокал
- 1 јаболко
Божествено smoothie
- 2 јаболки
- 1 морков
- 1 мало цвекло
- малку грозје
- ½ лажичка свеж рендан ѓумбир
Попај smoothie
- 1 јаболко
- 1 круша
- цеден сок од 1 портокал
- вода по потреба
- неколку листови спанаќ или кељ
- 1 лажичка ленено семе
Подготовка
Начинот на подготовка е премногу едноставен. Изберете го вашиот омилен рецепт и ставете ги наведените состојки во блендер. Добро измиксајте додека да добиете изедначена смеса и уживајте во вкусниот и здрав нискокалоричен појадок!
Зошто токму овие состојки?
Целер – делува антибактериски, помага кај воспалени мочни канали и потешкотии со мокрењето.
Морков – има благотворно дејство врз видот и имунолошкиот систем, спречува појава на болести на срцето и помага во контролата на дијабетесот.
Цвекло – поволно влијае на нервите и работата на мозокот, многу е ефикасно за лечење на слабокрвност, ја подобрува работата на желудникот, цревата и жолчката и го регулира крвниот притисок.
Портокал – ја подобрува работата на дигестивниот систем, одлично делува против алергии, воспаленија и вируси и го зајакнува имунолошкиот систем.
Јаболко – го намалува штетниот холестерол, го впива штетното зрачење, корисно е за добар сон, против хроничен замор, висок крвен притисок, вртоглавици, прекумерна тежина, главоболка, мигрена, опстипација, проширени вени...
Грозје – ја подобрува циркулацијата, работата на срцето и го намалува опсегот на уништеното ткиво после срцев удар.
Ѓумбир – ја отстранува мачнината, ја подобрува дигестијата, ублажува разновидни болки, поволно делува на метаболизмот кај заболените од дијабетес, а дејствува и како средство против воспаленија и против згрутчување на крвта.
Кељ – делува превентивно против рак, го спречува штетното влијание на УВ зраците на очите, го одржува здравјето на коските и го зајакнува имунолошкиот систем.
Спанаќ – го зајакнува имунитетот, ја помага ресорпцијта на жлездите, го одржува здравјето на кожата и слузницата и го помага создавањето на црвените крвни зрнца.
Ленено семе – ги ублажува воспаленијата и болката поврзани со ревматизам, артритис, остеопороза и мигрена, го намалува холестеролот, помага при констипација, го стабилизира нивото на шеќер во случај на дијабетес.