Може да се каже дека речиси и не постои личност која не сака лубеница. Кога е добро изладена, таа е најдобрата освежителна природна намирница, која заради големата содржина на вода, е особено добра за хидратација на телото за време на летните месеци.
Лубеницата е одличен извор на витамините А и Ц, како и на одредени минерали, меѓу кои се калиумот и магнезиумот. Истата содржи многу антиоскиданси, а има и позитивно дејство врз целокупниот организам.
Доколку сакате да направите нешто необично со неа, ви претставуваме рецепт за превкусен и здрав сок од лубеница, кој ќе му користи на целото тело.
Сè што ви треба е свежа лубеница, нож и блендер. Исчистете ја внатрешноста на лубеницата од кората и семките и исечкајте ја на коцки. Ставете ги коцките лубеница во блендер, додадете и коцки мраз и добро измиксајте. Доколку напитокот ви е густ, додадете малку вода.
За побогат вкус, ви препорачуваме во сокот да ставите и парчиња свежо нане. Исто така, не мора да се ограничувате и слободно можете да и’ се препуштите на креативноста. Можете да додадете малини, капини, јагоди... Оние, пак, кои сакаат покисел вкус, може да додадат свежо исцеден сок од лимон.
Погледнете го видеото во продолжение за да ја погледнете постапката.