Доколку и вас од време на време ве фаќа желба за слатко, запомнете дека таа потреба мора да му ја задоволите на вашето тело. Спротивно на општото верување, десертите, сè додека се умерени, се добри за нашето здравје, заради што не би требало да се откажеме од нив.
Еве точно зошто не треба да го прескокнувате десертот:
Буквално нè прави среќни
Познато ли ви е она чувство кога ќе изедете парче од омилениот колач и веднаш се чувствувате подобро? Тоа се случува затоа што намирниците со поголема содржина на јаглехидрати му помагаат на телото во производството на разни хормони и материи, кои предизвикуваат чувство на среќа.
Ја олеснува диетата
Желбата за благо е една од најголемите причини за „прекршување“ на диетите кои ги држиме. Целосното откажување од консумацијата на слатките десерти заради слабеење, нема да ви помогне на долг рок.
Имено, истражувањата покажале дека луѓето кои се исхрануваат здраво, но од исханата не ги исфрлаат десертите, имаат подобар успех при слабеењето бидејќи нивното тело се чувствува задоволно. Затоа, немојте целосно да го елиминирате благото од вашето мени, туку само намалете го нивниот внес.
Го намалува негативниот ефект на диетите
Наглото исфрлање на јаглехидратите и шеќерите од исхраната предизвикува недостаток на глукоза, која е потребна за создавање на енергија. Како резултат на тоа, за време на диетата може да се чувствувате уморно, а за да го избегнете тоа посегнете по десертот.
Преку него може да внесувате повеќе овошје во организмот
За да го зачуваме доброто здравје, неопходно е редовно да внесуваме овошје, а најчесто не сме свесни дека тоа не го правиме доволно. Затоа, вклучувањето на овошните десерти е одлична идеја. Омилената топка сладолед надополнете ја со свежи боровинки, малини или праски, а редот темно чоколадо кој планирате да го изедете, растопете го и прелијте го врз исечкана банана.
Содржи важни нутриенти
Повеќето диети кои ја забрануваат консумацијата на јаглехидрати, не го земаат во предвид фактот дека истите претставуваат еден од есенцијалните нутриенти.
Десертите можеби не се најздравиот облик на јаглехидрати, но со контролирана количина, дозволено е да бидат нивен извор.