Летен десерт за убаво будење на целото тело

Летото е прекрасно годишно време бидејќи изобилува со овошје, кое пак ни ја разработува фантазијата за експериментирање со некој убав десерт.

Потребно состојки:

• 1 л млеко
  
  
• 2 пудинга во прав од ванила
  
  
• 4 лажици шеќер
  
  
• 200 гр готов фил од вишни
  
  
• 2 лажици вода
  
  
• 2 лажици рум
  
  
• 2 лажици сок од лимон
  
  
• 1 ванилин шеќер
  
  
• малку цимет во прав
  
  
• 100 мл слатка павлака
  
  
• 50 гр свежи вишни

Подготовка:

1. Пудинзите сварете ги според упатството на кесичките.
   
   
2. Филот од вишни измешајте го со водата, румот, сокот од лимон, ванилиниот шеќер и циметот.
   
   
3. Ставете го на рингла и оставете да почне да врие со повремено мешање.
   
   
4. Во пошироки чаши до пола сипете од сварениот пудинг и оставете малку да се излади.
   
   
5. Потоа распоредете го филот од вишни и на крај преостанатиот пудинг.
   
   
6. Кога пудингот ќе се излади украсете со изматена слатка павлака и вишни.

Совет: Пред да го ставите врелиот пудинг во чашите, малку изладете ги за да не пукнат.

Пријатен апетит!