Оваа годишна доба е идеална за оние кои се хранат здраво и чие дневно мени се базира на големи количини свежо овошје и зеленчук. Но, дали сте сигурни дека знаете да ги изберете добрите плодови?
Ви нудиме неколку корисни совети за купување и чување на најчестиот сезонски зеленчук!
Пиперки
Купување: Избирајте ги оние со сјајна кора без гребнатинки.
Чување: Свежите пиперки можете да ги чувате во фрижидер, незавиткани, во фиоката за зеленчук. Зелените ќе издржат околу една недела во фрижидерот, додека жолтите, портокаловите и црвените најмногу 5 дена.
Модри патлиџани
Купување: Мора да има потврда и сјајна кора, без гребнатинки. Пократките плодови, со висина од 7,5 до 15 сантиметри, се по малку горчливи. Презрелите се меки на допир.
Чување: Подгответе го веднаш или утредента, бидејќи за 2 дена веќе го менува вкусот.
Млад компир
Купување: Избегнувајте компир со зелени точки и зелени делови бидејќи тие се знак на отрови.
Чување: На трмно и ладно место, со температура од 0 до 10 степени Целзиусови.
Тиквички
Купување: Најдобри се млади тиквици кои не се поголеми од 15 сантиметри. Големите се потврди и поводени.
Чување: Неизмиените тиквички може да стојат во фрижидер 7 дена, во кесичка со дупчиња.
Краставици
Купување: Најдобри се тврди, тешки и темнозелени. Помалите краставици се по малку горчливи.
Чување: Завиткани во пластична фолија ќе издржат до една недела, во поладниот дел од фрижидерот.