Нема потреба да нарачувате кинески специјалитети кога можете лесно да ги направите дома на многу вкусен начин.
Потребни состојки:
- 16 пилешки крилца
- 2 лажици мед
- 1 згмечена лута пиперка со сок од лимон
- 1 лажица ситно изрендан исчистен ѓумбир
- 6 лажици соја сос
- Масло
- 2 кесички смрзнат зеленчук
Подготовка:
1. Медот спојте го со лутата пиперка, додадете сол, сок од лимон, изрендан ѓумбир, лажичка соја сос и малку масло и добро измешајте. Во маринадата ставете ги пилешките крилца, поклопете и оставете ги да отстојат три часа во фрижидер.
2. Крилцата испржете ги во тава на две лажици загреано масло и од сите страни пржете ги три минути. Пржените крилца извадете ги од тавата, ставете ги во плех обложен со хартија за печење, премачкајте со преостанатата маринада и печете ги во рерна загреана на 185 степени околу 35 минути. За време на печењето температурата во печката намалете ја со цел крилцата да не се препечат.
3. На преостанатото масло во тавата испржете го зеленчукот, па додадете го преостанатиот соја-сос. Зеленчукот распоредете го на чинија, додадете ги маринираните печени пилешки крилца и по желба послужете ги со тестенини. Секако отворете си едно пиво.
Пријатен апетит!