Кога е во прашање летното овошје, сигурно на памет први ви паѓаат лубеницата и праските, но постои уште еден подеднакво вкусен вид чија сезона започна токму сега, а кој би требало да се најде на вашата трпеза.
Станува збор за дињата, која припаѓа на истата фамилија како лубеницата, тиквата и краставицата.
Дињата е исклучително богата со витамини и минерали, содржи висок процент на витамин Ц, Б, бета-каротен, како и калциум, калиум, магнезиум, фосфор, железо и бакар. Сигурно не знаете дека дињата содржи три пати повеќе калиум од лубеницата.
Благодарение на големиот процент на вода (околу 95%), ниската содржина на шеќер и одличниот вкус и мирис, ова овошје е идеално летно освежување.
Водата од дињата ја стимулира работата на бубрезите, го регулира крвниот притисок, а високото ниво на влакна му помага на дигестивниот систем полесно да ја свари храната. Бета каротенот помага во борбата против канцерот, а последните истражувања покажуваат дека дињата може да се користи во борбата против неколку видови на рак.
Дињата можете да ја јадете колку сакате и кога сакате, а еве ги причините зошто треба да е што почест дел од вашата исхрана:
- Идеална е за детоксикација на организмот. Содржи 300 милиграма калиум на 100 грама и му помага на телото да се ослободи од вишокот натриум и така го намалува крвниот притисок.
- Сокот од диња порано се користел за ублажување на болка. Доколку сакате да се ослободите од болката, намачкајте го болното место со сок од испасирана диња.
- Во народната медицина дињата се користи за освежување и смирување.
- Се користи против камења во бубрезите, го ублажува убодот од инсекти, изгореници, помага при болести на желудникот и цревата.
- Дињата содржи повеќе калории од лубеницата, но сепак не толку за да дебелее, па можете да уживате во нејзиниот вкус умерено, без страв да не накачите дополнителни килограми.