Постојат повеќе начини да го зголемите нивото на вашата енергија во текот на денот. Енергетските пијалаци, како и напитоците кои содржат кофеин и вештачки шеќери, можат да ви помогнат тоа, но истите се меч со две острици.
Од една страна, со текот на времето станувате зависни од нив и пиете сè повеќе како би го постигнале саканиот ефект, а од друга, на долг рок влијаат негативно врз целокупното здравје на организмот.
Затоа наместо да посегнете по уште една шолја кафе, Ред Бул или Кока Кола, направете здрава замена со напитоци подготвени од природни состојки кои го имаат истиот ефект.
Кокос-хидро смуди
Кокосовата вода и бананите содржат големо количество на калиум кој помага во регулирањето и одржувањето на клетките и нивната природна продукција на енергија. Изблендирајте ½ шолја кокосова вода со ½ шолја млеко, ½ банана и ½ портокал.
Зелен чај и чиа
Зелениот чај ја враќа енергијата додека чиата е богата со протеини и омега-3 масни киселини, кои овозможуваат енергизирачкото дејство подолго да трае.
Измешајте 1 шолја зелен чај со 1 лажица чиа и 1 лажичка мед.
Супер напиток за будење
Комбинацијата од брусница и јаболко е токму она што ви треба за енергично започнување на денот. Овој напиток детоксифицира, ги прочистува црниот дроб и бубрезите и ви дава енергија. Помешајте 100 мл сок од брусница со 1 лажица оцет од јаболко и сок од половина лимон. По потреба додадете малку вода за добиениот напиток да не ви биде премногу јак.
Цвекло за поголема продуктивност
Цвеклото е богато со нитрати кои го намалуваат нивото на кислород, кое им е потребно на крвните садови и мускулите за да функционираат правилно. Комбинацијата од цвекло, лимон и јаболко е идеален спој за зголемување на енергијата, особено во денови кога се чувствувате поприлично уморно и без волја за работа. Затоа, во блендер ставете 1 помало цвекло, 1 јаболко, 1 лимон и еден рака спанаќ, па потоа разладете го добиениот сок со мраз.