Бананата е специфично овошје кое има посебна текстура и богат вкус, а токму во овој сладок плод лежи тајната на најевтиниот и најздравиот кремаст сладолед без глутен и без вештачки засладувачи. Подготовката на сладоледот од банана е многу едноставна.
Да започеме!
За да го направите овој сладолед еднинствено што ви треба се две банани.
Подготовка:
Излупете ги бананите и исечкајте ги на крукчиња, а потоа ставете ги во чинија или во кесичка и ставете ги во фрижидерот за длабоко замрзнување. Оставете ги да постојат околу 2 часа, додека потполно не се стврднат. Замрзнатите крукчиња ставете ги во блендер и миксајте додека не добиете густа и леплива маса.
Измиксаните банани сега веќе имаат структура на сладолед, а доколку сакате истата да биде потврда, ставете ја смесата од банани во замрзнувачот да постои уште половина час.
Трикови
Доколку сакате да добиете уште 4 различни вкусови, во бананите додадете ги следните состојки:
1. Кикирики – во блендерот додадете 3 лажици путер од кикирики и 1 лажица мед.
2. Нутела – во блендерот додадете 3 лажици Нутела.
3. Јагоди – во блендерот додадете грубо исечкани замрзнати јагоди (количина по желба) и 2 лажици слатка павлака. Добиената смеса вратете ја во замрзнувачот за да се стврдне.
4. Чоколадо – во блендерот додадете 3 лажици горчливо какао, 2 лаживи слатка павлака и 1 лажичка екстракт од ванила. Добиената смеса вратете ја во замрзнувачот за да се стврдне.