Чоколаден ладен десерт? Да секако. Сладоледот е супер во топлите денови, а совршениот рецепт за тоа е овој брз чоколаден мус.
Потребни состојки:
- 300 гр. темно чоколадо
- 3 јајца
- 50 гр. шеќер
- 1 лажица какао во прав
- 300 мл. хопла плус уште малку за декорација
- Малку рендано чоколадо за декорација
Подготовка:
Стопете го чоколадото претходно искршено на коцки во сад кој е ставен врз пареа, а кога ќе се стопи тргнете го садот на страна за малку да се олади.
Во друг сад изматете ги јајцата и шеќерот со електричен миксер околу 5 минути или додека смесата не стане побледа и додека шеќерот не се стопи. Во овој сад додадете го стопеното чоколадо и какаото.
Во нов сад изматете ја хоплата, не целосно и да биде малку поразводенета од вообичаено кога би ја мателе за да ја употребите за филување и одвојте од хоплата за гарнир. Сместата со растопеното чоколадо, јајцата и шеќерот додадете ја во овој сад и убаво измиксајте за да се соедини целосно мусот.
Распоредете го мусот во посебни чаши, гарнирајте со одвоената хопла и рендано чоколадо. Ставете ги чашите во фрижидер за да се стегне мусот околу 1 час, а потоа послужете го десертот ладен.
Добар апетит.